Ek Kahani Hai

Aaj bahut Dino baad woh thik se soyi, Apne saare khayalo se pare, Dubara se bina kuch soche bahut waqt ho gaya hai, shayad use yaad bhi nah ho. Haar cheezo par pachtava Karna Mano uski fitrat Nahi thi, Zindagi ko jeene ke liye kabhi kisiki jarurat Nahi thi. Dekha jaye toh woh jada bhi nahi jee chuki, par Woh jitna bhi jee bass zindagi ko naye aur atrangi petron se, dill Mai Bina koi khauf liye bass jee. Soch alag par dimag wahi, ruh alag par jisme wahi, samjh na paya koi use. Bhale samjhta kaise kabhi mauka hi nahi de payi kise. Khauf use tha nahi par kudrat khel Gaya apna khel.

Imtehan kabhi Zindagi ki den nahi thi, apne liye sare imtehan khud tayar karna uski khubi thi. Har mod par naye chehre dekh bhale woh katrati ho, par naa jane kyu har chehre mai uske dusra roop ko dhundne mai bhek jati woh. Suni sunai baaton par kam hi the uske jhamele, har raat baith un taaron ke sang timtimati woh. Jyada kuch samjhti nahi thi, par kabhi kahi rukti bhi nahi thi. Cheezo mai sachai dhundna use ata nahi tha, par cheezon ko andekha karna use bhata nahi tha. Zindagi, Mohabbat, Bharosa iski umange anchuan thi, uske taqdeer mai aisi koi wajah nahi thi.

Narazgi mai jo sath nibhaye use dildar mana, khushiyo mai jo tik naa paye use haqdaar mana. Anpadh kehete the log use par har dard mai ussi ka sath manga, uchaiyo ko chhuna nahi tha use par geheraiyon se bohut lagav tha. Dosti nibhani nahi ati par uske khilaf kuch sunn bhi nahi pati. Kehne ko toh kai dost the uske par har mushkilon se akele ladhti woh. Jeet aur haar mein koi shauk nahi tha, par koshish nah karna yeh uska imaan nahi tha. Likhna uske liye jindagi ko jine jaisa tha, har mod par comma jo aajata tha.

Yeh sab padh kar aap sochoge ki yeh khayali hai, par zindagi jine walon ke liye yeh ek kahani hai.